शनिवार, फेब्रुवारी ०४, २०१२

वैदिक लढाया आणि सुसंस्कृतपणा (?)

निरपराध शम्बुकाला रामाने ठार मारले. शंबूक हा तथाकथित शूद्र वर्णातील असून त्याने विद्या ग्रहण केली, हा त्याचा अपराध होता काय? यात रामाचे समर्थन कसे होईल. हे सुसंस्कृत युद्धाचे उदाहरण आहे का ? वामनाने तीन पावलाची जमीन मागून कपटाने निष्कपट बळीराजाला ठार केले हा सुसंस्कृतपणा आहे का ? परशुरामाने अत्यंत क्रौर्याने आपल्या आई आणि भावाना ठार मारले हा सुसंस्कृतपणा आहे का ? सुग्रीव आणि वाली यांच्या संघर्षात निरपराध वालीला रामाने क्षात्रधर्म बाजूला सारून मारले हे रामाचा सुसंस्कृतपणा दर्शवते की कपट ? वालीचा कोणता अपराध होता ? अशी शेकडो उदाहरणे देता येतील. इंद्राने
ऋषीच्या बायकोला फसवून तिच्यावर केलेला अत्याचार काय दर्शवतो.

शंबूक हा शूद्र होता. शूद्राने शिक्षण घेवू नये, वेद ऐकू वाचू नयेत असे कायदे त्याकाळी मानुस्मृतीने लादले होते. तेच अन्याय्य कायदे मोडले म्हणून ब्राम्हणांनी गहजब केला आणि रामाला शाम्बुकाला मारायला लावले. बळीराजा निष्कपट होता हे सरवाना म्हाईत आहे. तसे नसते तर बहुजन समाज "इडा पीडा जावू दे आणि बळीचे राज्य येवू दे" असे म्हटला नसता. तुकोबानीही आपल्या अभंगातून हे हरी तू निष्ठुर, का धाडला बळी पाताळी असे म्हटले आहे. वामनाने कपट करूनच बळीराजाला संपवले हे वास्तव आहे. वाली आणि सुग्रीव यांच्या भांडणात रामाने समझोता करणे समजू शकते पण निर्दोष आणि निशस्त्र वालीला रामाने झाडाआडून बाण मारला हा आपला सुसंस्कृतपणा आहे असे वाटते का ? जनता ही धर्मसत्ता आणि राजसत्ता यांच्या प्रभावाखाली असते. मुठभर त्रैवर्णिक सोडले तर बाकीची जनता शूद्र आणि अतिशूद्र होती. त्यांना पेटून उठन्याचाही अधिकार नव्हता.

3 टिप्पणी(ण्या):

टिप्पणी पोस्ट करा

सह्याद्री बाणाला भेट दिल्याबद्दल आभारी आहे. आपल्या प्रतिक्रिया आणि सूचना महत्वाच्या आहे. कृपया खाली प्रतिक्रिया द्याव्या.

-प्रकाश पोळ

.

.

 
Design by Wordpress Theme | Bloggerized by Free Blogger Templates | coupon codes